泰國 RELAX 遊- DAY 5@Bangkok

DAY 5 我地係 4.30PM 機... 即係應該3個鐘之既1.30PM 要到機場~

但... 當日朝早我地去左 BIG C & 附近SHOPPING 最後衝刺, 最後1.30 PM 先由NANA 區去機鐵站~

 

好彩而家佢地有機鐵... 我地只係由NANA 搭的士去機鐵站果程塞左15MIN 車, 再搭20MIN 機鐵, 2.15PM 到就已經到左機場~

 

去到機煬諗住搞退稅... 但點知俾"胡XX" 本書 點左~ 係有 VAT Refund for Visitor 既舖頭買野...
原來一定要夠 單日單舖滿 2000BAHT, 並係店舖填FORM 蓋印, 之後先可以係機場退稅...  而唔係佢本書所講, 集齊 VAT
Refund for Visitor 既舖頭 單據滿 5000 BAHT, 就可以係機場一次過搞...

呢度最起碼害我唔見左 HKD 100 呢!!

 

諗住入左閘, 個瘋狂SHOPPING 就會停... 點知BF係免稅店見到HK 冇得賣既 double black label...
佢話買黎俾after wedding party 到俾兄弟姐妹飲~ 加上而家做特價, 3支送 可上機SIZE既手拉行李喼 etc~

 

開頭都唔係好想佢買... 但一諗到寄倉果袋冇 "Look" 既 25KG 戰利品... 結果都係俾佢說服左~

 

就係咁... 我地呢個旅行, 由原本齋玩齋食 HK$2500@, 變成 HK$6000@.....

泰國 RELAX 遊- DAY 4@Bangkok

今日冇乜影相... 因為大家都買野買到傻左啦~

第一站: 周末跳蚤市場 (JJ hoilday Market)

其中一間幾有特色既舖, 唔知佢賣咩, 但入便所有野都係用廢金屬做架!!
(不過有冇人話我知, 入便果隻係咩黎呀??? )

部份戰利品@ JJ
我地竟然係度買到湛茶用既紅色CUSION套 & 囍宴既 回禮小禮品, 勁!!!

原本諗住行完 JJ 就直接去睇 四面佛, 結果買到失哂控... 最終要先返一轉酒店先再出去~

第二站: 四面佛 - 不過冇諗過原來佢好細... 但見識到D人請人跳舞還神... 果檔跳舞基本係冇停過~

第三站: Shopping Mall

都唔記得自己行過邊幾間啦, 但好開心見到BIG C 開番~ 結果行到 7點鐘...

部份戰利品

買到差D MISS 左人妖SHOW 個SCHEDULE... 搭曼谷著名既"TUK TUK" 趕去~

第四站: ASIAN HOTEL 人妖SHOW

個SHOW 真係好好睇... 未睇過既絕對推薦!! 可惜我地個傻瓜機影到一PAT 野...
(BTW, 記得要去TRAVEL AGENT 買飛 & 記得講價... 我地買左700BAHT, 但入場後, 聽到有鬼佬話買左600 BAHT only~  )

泰國 RELAX 遊- DAY 3@Koh Samet & Bangkok

仲係未有時間打旅遊日誌, 又好想SHARE 下, 只有... 去相~


早上繼續係沙灘 HEA~


HEA 到12點, 終於要離開呢個陽光與海灘啦~

但係... 繼續吊帶拖鞋... 好熱呀!!!


呢度就係羅勇(去沙美)其中一個公眾碼頭~

近碼頭 有個海味批發市場, 好多人係度買手信, 平過BANGKOK 1/3~

呢D 係我地部份既手信~ Yummy Yummy~

我地搭小巴去到Victory Moument BTS station, 大包小包係咪好似內地自遊行人士呢~

去到酒店, 有對毛巾象仔接我地~ 真好~

我地酒店係 Nana 區, 風格類似香港SOHO 區, 周圍都係酒吧~ (好難想像... 竟然仲有大排擋形式既酒吧... 真係去到邊飲到邊~) 以上張相係我地去食清邁風格既晚餐, 間舖係"胡慧X" 既書都有介紹~ 味道OK, 風格OK, 但好多蚊lor~

泰國 RELAX 遊- DAY 2@Koh Samet

訓到9點幾先起身, 一打開房門望到個海灘, 真係令人心礦神怡!!

成個RESORT 既沙灘椅都係任訓O架~

我地訓既沙灘小屋~

係沙灘HEA 到10點幾, 我地去左LOCAL TOUR 既集合地點~

TOUR 第一站帶左我地去某一大外島既海灘, 浮潛!!

呢個島有個天然形成既洞, 都幾過癮~

開始時係淺水區游下熱身下先~

熟習到咁上下, 開始越游越遠~ 大概去到200m 到, 已經有好D 珊瑚 & 魚仔睇下啦~

玩左個零鐘, 又到食飯時間~ 我地都以為浮潛已經告一段落, 之後都係觀光時間; 點知食完飯後, 佢地帶左我地出海中心某個未被破壞得好利害既位置睇珊瑚!! 果個位D水好清, 下面仲有海膽 & 海參!! 可惜頭先自己玩得太盡興, 部防水相機仔已經冇哂電啦~ (小插曲: 當我向我BF 話見到有海膽, 佢形容我雙眼係發哂光, 流哂口水咁... 佢幾驚我即時潛入去捉O黎食~)

跟住TOUR GUIDE 又帶左我地去另一個外島登岸. 當時大部份團友都係著泳裝係沙灘行行企企, TOUR GUIDE 可能見我地冇咩心機係果個細灘到浮潛(其實大家都只係太倦), TOUR GUIDE 叫我地著番對鞋 (但大部份團友都係只帶左拖鞋), 跟佢環島行下~ 起初諗住佢只係帶我地沿沙灘行一個圈, 點知行下行下... 入左叢林!! 行下行下... 上左山!! 最後行左差唔多個幾鐘山!! 咁大個女都真係第一次著泳衣拖鞋行山!! 不過, 上到個頂, D 環境又真係幾靚~ 叫做值番哂~

我地完左個TOUR 之後, 又去左NADIAN PIER 附近行下~ 我地搵左間細MASSAGE鋪做OIL Massage~ 都真係又平又舒服~

之後我地又去左Saikaew海灘食野~ 今次又係表演火舞!! 但今次係專業級表演, 成個場既氣氛都帶動得好好~ 我地都邊玩邊食左好耐, 最後玩埋"火舞人鏈"先走~ 正~

(暫時寫到咁多, 第3日KOH SAMET & 第4&5日既曼谷SHOPPING TRIP 第日得閒再寫~

)

泰國 RELAX 遊- DAY 1@Koh Samet

上年年中好彩買到AIR ASIA 去曼谷既平機票, 連稅來回都係~$700/person! 之後一直都好期待去玩~ 終於可以起行啦~~

好靚既雲海~  (小插曲: 由於8點幾機, 我一上機就訓, 訓左成個鐘醒左之後, 發現竟然架機DELAY, 仲係機場... 果下真係 )

落機已經2PM~ 好彩預早BOOK左既旅遊車司機, 仲係機場等緊我地~ 我地直接由曼谷機場到羅勇去沙美島碼頭先慳番唔少時間~ 

可惜一路途中都冇乜野睇~

終於搭左 2個幾鐘車到羅勇去沙美島碼頭, 可惜最後一班直接到我地間RESORT既船已經開走左, 結果我地去左沙美另一個碼頭 - NADAN PIER, 再搭雙排車入酒店~ 

去到酒店所在既 Ah Wongduan沙灘已經差唔多日落~

當晚我地好HEA咁食完晚餐, BOOK 左第二日玩浮潛既LOCAL TOUR 就返RESORT覺覺豬 lu~

晚餐食市外臨場加影: 四歲O靚仔跳火舞, 勁!!